Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Kosovës në Shtetet e Bashkuara të Amerikës, Ilir Dugolli, ka zhvilluar një takim zyrtar me Mark Fleming, Ushtrues i Detyrës së Ndihmës Sekretarit të Shtetit për Ballkanin Perëndimor dhe Çështjet e Holokaustit. Ambasada e Kosovës në Washington bëri të ditur se gjatë takimit u diskutua për raportet strategjike ndërmjet Kosovës dhe ShBA-së, si dhe për mënyrat e avancimit të prioriteteve të përbashkëta. Ambasadori Dugolli e uroi zyrtarin Fleming për detyrën e re, duke e vlerësuar emërimin e tij si një mundësi për thellimin e mëtejmë të bashkëpunimit në kuadër të politikës amerikane për Ballkanin Perëndimor. “Riafirmuam përkushtimin tonë për forcimin e marrëdhënieve dypalëshe dhe për avancimin e objektivave të përbashkëta në frymën e partneritetit afatgjatë me ShBA-në”, thuhet në njoftimin e Ambasadës.
