Ambasadori i Gjermanisë në Uashington, Andreas Mihaelis, konsideron se Kosova dhe Serbia janë një fuçi tjetër baruti në Evropë, duke kërkuar që të merret seriozisht rreziku nga Serbia. Berlini e Uashingtoni duhet të jenë në koordinim të ngushtë lidhur me tensionet në mes të Kosovës e Serbisë. Ambasadori gjerman ka thënë se ditëve dhe orëve të fundit ka pasur koordinim të ngushtë mes Gjermanisë dhe Amerikës. Ai ka shpërndarë një postim të Ministrisë së Punëve të Jashtme gjermane, ku thuhet se është e rëndësishme që Serbia pa vonesë t’i reduktojë trupat e saj afër kufirit me Kosovën. Duhet të shmanget përshkallëzim i mëtejshëm mes Kosovës dhe Serbisë. Është e rëndësishme që Serbia pa vonesë t’i reduktojë trupat e saj në kufirin me Kosovën. Së bashku, me partnerët tanë, jemi në kontakt të drejtpërdrejtë me palët e përfshira. Procesi politik duhet të vazhdojë urgjentisht”, thuhet në postimin e djeshëm të Ministrisë së Jashtme të Gjermanisë.
Kontrolloni gjithashtu
Arben Gashi kritikon Qeverinë Kurti për afera korruptive dhe shkelje kushtetuese
Shefi i grupit parlamentar të Lidhjes Demokratike të Kosovës, Arben Gashi, ka shprehur kritika të …