Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Për këtë 4 janar, në shënim të 18-vjetorit të fillimit të punës së Radios-Kosova e lirë, do të publikoj shumicën e emisioneve që janë të realizuar dhe janë transmetuar përgjatë këtyre viteve të transmetimit të Radios.
Nga arkivi i luftës i RKL—90 emisione. Ky emision është realizuar nga data 4 janar 1999 deri më 21 qershor 1999, bisedë në familjet e dëshmorëve, reportazhe lufte, etj.
Heroizmi i dëshmorëve të lirisë-1328 emisione, ku flitet për jetën dhe veprat e dëshmorëve të kombit në tri luftërat çlirimtare. Emision tematik përkujtimor që emetohet çdo ditë në RKL në orën 13.oo dhe ritransmetohet në orën 19.00, varësisht nga data heroike e rënies së dëshmorëve.
Personalitet kombëtare e kulturore- 217 emisione. Jeta dhe vepra e personaliteteve kombëtare, personalitete të Rilindjes, dhe shkrimtarëve të periudhave të ndryshme. Edhe ky emision emetohet me datën e lindjes ose të vdekjes së tyre.
Analize e veprave letrare artistike -74 emisione. Në këtë cikël emisionesh që emetohet të mërkureve, duke filluar nga ora 22.00 lexohen analiza të veprave të ndryshme letrare artistike, studimore e shkencore.
E shtuna letrare artistike -55 emisione. Emetohet ditën e shtunë në terminet kohore 11.00 dhe 20 00.
Proza jonë e zgjedhur- 81 emisione, emetohet të dieleve në 11.00 dhe 17.oo.
Kalendari enciklopedik ditor-365 emisione. Ngjarjet më të rëndësishme nga kalendari enciklopedik kombërat dhe botëror, si dhe nga Kalendari i luftës së UÇK-së. Emetohet çdo ditë në orë 9.00 dhe ritransmetohet në orën 15.00
Tema historike 275 emisione. Emision ditor që emetohet në orën 17 e 30 dhe ku trajtohen tema nga e kaluara jone kombëtare historike.
Zbulime te reja nga mjekësia dhe këshilla për shëndetin-365 emisione. Emision ditor emetohet çdo dite në orë 8 e 30.
Shkenca e popullarizuar 78 emisione për jetën dhe veprat e shkencëtarëve dhe pastaj tema te ndryshme shkencore. Emisioni emetohet te dielën në orën 11.00 dhe 20 00.
Emisione speciale- 566 emisione. Në ketë rubrike ditore që ememtohet në terminë të ndryshme, trajtohen tema nga e kaluara, historia, kultura, politika, feja, trashëgimia.
Spote me këngë për dëshmorët, 60 emisione.
Jeta dhe vepra e shkrimtarëve botërorë emision javor emetohet te dielën në orën 23.00
Bisedë me krijues me mysafirë në RKL Si: Dritëro Agolli, Dilaver Goxhai, Gjokë Dabaj, Selman Dervishi, Donikë Omari, Jorgo Bulo, Mehmet Qeliku, Spiro Gjoni, Stavri Llambo, Elda Kokoneshi, Nevila Niko, Fluturak Germenji, Skender Drini, e shumë të tjerë.
Yje të pashuar 112 emisione —jeta dhe vepra e dëshmorëve te LANÇ-së
Tema nga mjekësia 130 emisione. Emision javor që emetohet në ora 20 e 30 të dielën ku trajtohen tema të ndryshme nga shëndeti.
Tema pedagogjike dhe psikologjike 128 emisione. Emision i rregullt javor emetohet ditën e premte në ora 11.00 dhe 20. 00 dhe trajtohen tema pedagogjike e psikologjike të autorëve vendas e te huaj.
Nga ditarët e luftës se UÇK-së- emisione cikël
Duke shfletuar librin e lirisë -156 emisione. Emision javor që trajton tema nga lufta e lavdishme e UÇK-së.
Letra nga burgu 39- emisione, letra që janë lexuar në RKL, të shkruara nga të burgosurit politikë, dërguar familjarëve të tyre, në kohën sa kanë qenë në vuajtje të dënimeve.
Emisione nga kultura- 205 emisione. Emision i rregullt, emetohet katër herë në javë në termine të ndryshme.
Dëshmi për krimet serbe në Kosovë-85 emisione. Emision i rregullt javor që trajton krimet që kanë bërë forcat policore dhe ushtarake serbe në Kosovë gjatë luftës së UCK-së.
Recital -fjala artistike ne mikrofon – 294 emisione. Emision javor emetohet ditën e enjte në orën 15 e 30.
Ta njohim muzikën e popujve të botës – 33 emisione. Emision javor ku trajtohet muzika e popujve të botës.
Mbrëmje muzikore- 76 emisione, emision muzikor që emetohet ditën e enjte në orë 22.00 dhe ku trajtohen vepra artistike të autorëve të ndryshëm.
Qasje studime dhe vështrime 6o emisione.
Intervista 132.
Antologji e fjalës se mençur, 365 emisione .
Komente, analiza ditore. Emetohet çdo ditë në RKL në orën 17 00 dhe 21.15.
Viti 2016, komente të lexuara, 249.
Kjo pasqyrë e emisioneve, si dhe 12, edicione të lajmeve ditore, flasin vetë për punën dhe aktivitetin informativ, kulturor të Radios-Kosova e Lirë.
Fonoteka e Radios Kosova e Lirë ka afër 2.000 këngë për dëshmorët e luftës së UÇK-së, mijëra këngë popullore, argëtuese, të përpunuara nga mbarë trojet shqiptare si dhe nga trashëgimia muzikore e arvanitasve dhe e arbëreshëve të Italisë. Prej fillimi të transmetimit e deri tani janë incizuar dhe janë emetuar me mijëra emisione të tematikave të ndryshme kulturore, shoqërore e shkencore.
Përveç programit ditor, tokësor, Radio Kosova e Lirë ka edhe faqen zyrtare në internet e cila është ndër faqet më të popullarizuara shqiptare, që sjellë pa ndërprerë, lajme, jetëshkrime për dëshmorët, personalitetet kombëtare, tema nga historia, kultura, tradita intervista, komente, analiza, fejtone etj. Radio-Kosova lirë ka edhe sektorin e botimeve dhe deri tani ka nxjerrë në dritë libra të autorëve të ndryshëm, monografi për dëshmorët, tri vëllime të Arkivit të lajmeve të kohës së luftës, pastaj romane, përmbledhje poetike dhe vepra letrare artistike të autorëve të ndryshëm.
