Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas mbajtjes së mbledhjes konstituive të Kryesisë së re të Aleancës për Ardhmërinë e Kosovës, kryetari i saj, Ardian Gjini, ka bërë të ditur se janë miratuar agjenda vjetore e punës dhe plani i aktiviteteve të subjektit. Gjini ka theksuar se, përveç çështjeve organizative, Kryesia ka diskutuar edhe për zhvillimet politike pas zgjedhjeve të përgjithshme dhe për domosdoshmërinë e krijimit të institucioneve të qëndrueshme në vend. Sipas tij, Aleanca mbetet e përkushtuar ndaj një procesi politik që garanton stabilitet institucional, përgjegjësi dhe orientim të qartë strategjik për Kosovën. Gjini ka ritheksuar se oferta gjashtëpikëshe e AAK-së vazhdon të mbetet kusht themelor i qëndrimeve politike të partisë, duke e cilësuar atë si bazë për zhvillimin ekonomik dhe forcimin e sigurisë kombëtare. “Kushdo që synon ndërtimin e institucioneve të qëndrueshme, duhet ta kuptojë se këto projekte strategjike janë të panegociueshme për të ardhmen e Kosovës”, ka deklaruar Gjini. Me këtë qëndrim, Aleanca sinjalizon se mbështetja e saj për proceset e ardhshme politike do të kushtëzohet nga përfshirja e prioriteteve strategjike të paraqitura në ofertën gjashtëpikëshe, në një kohë kur vendi vazhdon të përballet me bllokadën në konstituimin e institucioneve të reja.
