Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i PDK-së, Arian Tahiri, e ka cilësuar si “ditë jo të mirë” për Kosovën mbylljen e seancës për konstituimin e Kuvendit, duke akuzuar Lëvizjen Vetëvendosje dhe Albin Kurtin për mosrespektim të Kushtetutës dhe zvarritje të funksionalizimit të institucioneve. Tahiri tha se VV-ja dhe Kurti i kanë votat e nevojshme për zgjedhjen e kryetarit të Kuvendit, por, sipas tij, po refuzojnë të propozojnë një emër dhe po e mbajnë vendin në krizë politike. “Nuk është ditë e mirë, nuk ka qenë as mbrëmë një ditë e mirë, për shkak se nuk është respektuar Kushtetuta. Ne e dimë që Lëvizja Vetëvendosje edhe Albin Kurti e kanë numrin e mjaftueshëm të votave për ta zgjedhur kryetarin e Kuvendit dhe për ta funksionalizuar Kuvendin, mirëpo shohim se refuzojnë të propozojnë, refuzojnë ta funksionalizojnë Kuvendin dhe preferojnë që në vazhdimësi të krijojnë krizë politike”, deklaroi Tahiri.
