Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkimi Evropian është duke u frikësuar nga reagimi i shteteve anëtare të saj, dhe nuk po mund të pajtohet për të dhënë garanci për anëtarësimin e gjashtë shteteve të Ballkanit në të ardhmen, sipas katër diplomatëve dhe një dokumenti të brendshëm, raporton agjencia e lajmeve “Rojters”. Ngërçi rreth një deklarate për një samit të BE-së dhe udhëheqësve të Ballkanit më 6 tetor është pikë e ulët në strategjinë e BE-së për t’i anëtarësuar Kosovën, Serbinë, Bosnjën e Hercegovinën, Malin e Zi, Shqipërinë dhe Maqedoninë Veriore. Kjo është duke ndodhur saktësisht në kohën e rritjes së tensioneve në kufirin Kosovë – Serbi. Në samit, BE-ja është duke planifikuar që ta rithekson premtimin e saj, të bërë 18 vjet më parë, për të dhënë përkrahje të qartë perspektivës evropiane për Ballkanin Perëndimor, sipas një drafti të deklaratës për samitin, dokument ky i datës 11 shtator, që është parë nga agjencia “Reuters”. Diplomatët kanë thënë se ky dokument u është nënshtruar së paku dy rundeve të bisedimeve dhe nuk është arritur marrëveshje.
