Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkimi Evropian është në pritje të një marrëveshjeje tregtare me Shtetet e Bashkuara gjatë periudhës 90-ditore të pezullimit të tarifave të reja, por paralajmëron masa hakmarrëse në rast se bisedimet dështojnë. Në një intervistë për Financial Times, presidentja e Komisionit Evropian, Ursula von der Leyen, deklaroi se BE-ja po shqyrton vendosjen e një takse mbi të ardhurat nga reklamat për gjigantët amerikanë të teknologjisë si Meta dhe Google, nëse nuk arrihet një marrëveshje “plotësisht e balancuar” me Uashingtonin. Kjo periudhë e përkohshme është një shans për të ndërtuar një marrëveshje të re, por nuk do të kthehemi më në status quo. Ky është një moment kthesë në marrëdhëniet tregtare BE–SHBA,” u shpreh Von der Leyen. Ajo sqaroi se nuk do të ketë ndryshime në politikat e BE-së lidhur me përmbajtjen digjitale apo TVSH-në – dy nga fushat që janë kritikuar nga këshilltari tregtar i Shtëpisë së Bardhë, Peter Navarro. BE-ja synon një qasje të drejtë dhe reciproke, duke e bërë të qartë se nuk do të hezitojë të mbrojë interesat e veta nëse negociatat nuk japin rezultat.
