Bedri Hamza takohet me liderët politikë pas aktgjykimit të Hagës: “Biseduam për seriozitetin e situatës”

Kryetari i Partisë Demokratike të Kosovës, Bedri Hamza, ka zhvilluar të enjten takime të ndara me kryetarin e Lëvizjes Vetëvendosje, Albin Kurti, kryetarin e Lidhjes Demokratike të Kosovës, Lumir Abdixhiku, dhe kryetarin e Aleancës për Ardhmërinë e Kosovës, Ardian Gjini, pas aktgjykimit të gjykatës speciale në Hagë ndaj ish-krerëve të UÇK-së. Hamza ka bërë të ditur se takimet janë zhvilluar me kërkesën e tij, ndërsa në to është diskutuar për situatën e krijuar në vend, sfidat me të cilat po përballet Kosova dhe mundësitë e bashkëpunimit politik në këtë periudhë. “Me kërkesën time, pas vendimit në Hagë, u takova ndaras me tre liderët e partive parlamentare, z. Kurti, z. Abdixhiku dhe z. Gjini. I falënderoj të tre për takimet. Ne biseduam për seriozitetin e situatës së krijuar, sfidat me të cilat po përballemi, si dhe për mundësitë e bashkëpunimit në këtë periudhë të rëndësishme për popullin dhe shtetin tonë”, ka shkruar Hamza.

Kontrolloni gjithashtu

Jakup Krasniqi vazhdon qëndrimin në familje, edhe sot nën masa të rrepta sigurie nga EULEX-i

Në ditën e dytë të qëndrimit në Kosovë, ish-zëdhënësi i Ushtrisë Çlirimtare të Kosovës, Jakup …