Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të AAK-së, Besnik Tahiri pas mbledhjes së Kryesisë së Kuvendit të Kosovës, para mediave është deklaruar për tri tema të rëndësishme: menaxhimin e pandemisë; arkivin e UÇK-së; dhe shtyrjen e zgjedhjeve lokale. Sa i përket menaxhimit të pandemisë ai ka argumentuar se është e palogjikshme të diskutohet për tema tjera, në kohën kur Kosova është në listën e zezë të të gjitha shteteve për menaxhim të dobët të pandemisë, duke arritur nivelin më të lartë të vdekjeve e infektimeve. Ndërsa sa i përket çështjes së arkivave të UÇK-së, ai ka theksuar se janë disa tema të këtij vendi, që lidhen me historinë tonë të lavdishme. Dhe, ajo histori sipas tij është lufta për liri, luftë e cila është vlera më e madhe kombëtare, e këtij kombi dhe këtij vendi. Kërkimi i hapjes së arkivave që s’ekzistojnë është gabim substancial. Kurse lidhur me idenë e shtyrjes së zgjedhjeve lokale, Tahiri ka potencuar se kjo është e palogjikshme dhe bie ndesh me demokracinë. Pra, nuk ka as bazë ligjore e as demokratike.
