Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ndaj lajmit të rremë për gjoja përleshjen në mes të drejtorit të shkollës dhe një mësimdhënësi të Gjimnazit. Profesorët e gjimnazit “V.Frashëri” në Deçan dhe Drejtoria e gjimnazit njëzëri demantojnë lajmin e rremë dhe shprehin indinjatën e tyre ndaj një lajmi të tillë, i transmetuar në Tv T-7 për gjoja përleshjen fizike në mes të Drejtorit dhe një mësimdhënësi të gjimnazit tonë. Lajmi i tillë, shpifje e pa skrupullit nga mediumi TV 7, cenon rendë dinjitetin dhe autoritetin e gjimnazit “V. Frashëri “, i cili qëndron i pa lëkundur dhe në unitet e konsekuencë te plotë përballë gënjeshtrës nga mediumi në fjalë. Ne vazhdojmë të qëndrojmë të angazhuar për realizimin e kërkesave të kohës, në dobinë e arsimimit dhe edukimit të gjeneratave të reja. Mësimdhënësit e këtij gjimnazi në koordinim të plotë me drejtorinë e gjimnazit, i kërkojmë me ngulm mediumit në fjalë të demantojë lajmin e rremë dhe t’i kërkojnë ndjesë një kolektivi dinjitar siç është ky i yni.
Personeli i këtij institucioni e demanton me forcë këtë lajm të rremë dhe demantin e tyre e konfirmojnë me nënshkrimet e tyre, të cilat i bashkëngjiten këtij demanti.
Demantin në fjalë ua dërgojmë edhe të gjitha mediumeve informative në Kosovë.
Deçan, më ,23.01.2019.
Me respekt:
Kolektivi i gjimnazit: ”V.Frashëri”, Deçan
