Deputetja e PDK-së, Besa Ismaili kërkon nga LDK që të mbështes projektligjin për luftimin dhe parandalimin e pandemisë

Deputetja e PDK-së, Besa Ismaili kërkon nga LDK që të mbështes projektligjin për luftimin dhe parandalimin e pandemisë

Deputetja e PDK-së, Besa Ismaili iu ka kërkuar kolegëve të saj deputetë nga LDK-ja që të mbështesin projektligjin për luftimin dhe parandalimin e pandemisë Covid-19. Në seancën e sotme plenare ku po diskutohet për menaxhimin e situatës me virusin korona, Ismaili tha se Kosova është bllokuar si pasojë e lojës ndërmjet partive politike. Krahas kësaj, deputetja e PDK-së shprehu pakënaqësi ndaj Qeverisë Hoti për menaxhimin e pandemisë Covid-19. “Dështimin e qeverisë dhe papërgjegjësinë e tyre nuk mund të anashkalojmë tërësisht. Kjo papërgjegjësi duhet të rikthehet në veprime konkrete. Miratimi i çdo ndihme me theks të veçantë në rolin parlamentar është veprim parësore, qoftë si shtytje, qoftë si votim. Prioritet duhet të kenë zonat e prekura specifikisht zonat e varfra. E fatkeqësisht këtu bën pjesë qyteti i Mitrovicës si njëri ndër qytetet më të varfra. Covid-19 thellon ndasinë shoqërore dhe vë barriera ndaj qytetarëve të varfër që izolohen shumë”, tha ajo.

Kontrolloni gjithashtu

Kontestimi i provave vizuale në proceset gjyqësore ndërkombëtare: rasti i fotografisë Thaçi–Demaçi në Gjykatën Speciale

Në sallën e Gjykatës Speciale në Hagë, një moment i pazakontë ndezi debat mes mbrojtjes …