Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori dhe ish-kryetari i Gjykatës Kushtetuese, Enver Hasani, ka deklaruar se procesi gjyqësor në Hagë ndaj ish-krerëve të UÇK-së ka karakter politik dhe ngjan me gjykimet e Tribunalit Penal Ndërkombëtar. Hasani kritikoi mungesën e transparencës në procedura dhe refuzimin e mbrojtjes në liri për të akuzuarit, pavarësisht se provat ishin administruar. Ai theksoi se një pjesë e provave të përdorura janë të përpunuara nga Serbia dhe nuk kanë besueshmëri, pasi vlefshmëria e tyre lidhet ngushtë me integritetin e dëshmitarëve. Hasani shtoi se gjyqtarët e Speciales kanë pasur kushte ideale për të punuar dhe mbrojtur dëshmitarët, por mënyra si po trajtohen provat e sjella nga Serbia e vë në pikëpyetje drejtësinë e procesit. Megjithatë, ai u shpreh optimist se të akuzuarit do të arrijnë të fitojnë lirinë, duke theksuar se dëshmitë e mbrojtjes kanë peshë të fortë krahasuar me ato të prokurorisë.
