Është hapë tregu mobil në Deçan falë bashkëpunimit të GLV ,,Gjeravica’’dhe GIZ-Cosira nga Gjermania

28/07/2017 Institucionet

Në bashkëfinancim më Komunën e Deçanit GLV ,,Gjeravica’’dhe  GIZ-i Gjerman kanë mundësuar që fermerët e Komunës së Deçanit të kenë një treg mobil. Ky treg mobil është hapur të premten në praninë e  zyrtareve komunal dhe përfaqësuesve të GIZ-it. Se ky treg do të jetë në  shërbim të fermerëve të komunës së Deçanit kjo e dëshmon me hapjen e tij, ku të pranishëm ishin edhe një pjesë e konsiderueshme e fermerëve. GLV”Gjeravica” është duke implementuar projektin “Tregu Mobil i Prodhuesve Bujqësor në Rajonin e Drinit”, i bashkëfinancuar nga Agjencioni Gjerman për Zhvillim Ndërkombëtar- programi GIZ-Cosira dhe komunat e Deçanit, Pejës dhe Istogut. Ky projekt ka për qëllim që të i ndihmoj të gjithë prodhuesit bujqësorë të komunave të këtij rajoni, duke u mundësuar shitjen dhe promovimin e prodhimeve të tyre në hapësirat më të frekuentuara mu  në qendrat urbane si dhe në pikat më të frekuentuara turistike të këtyre komunave. Gjithashtu projekti ka për qëllim edhe ofrimin e mundësive të furnizimit të konsumatorëve vendor, turistëve, tregut dhe restoranteve me prodhime të freskëta vendore. Përmes këtij projekti janë ofruar shtande-tavolina shitëse dhe promovuese për prodhime bujqësore. Për rendësin e këtij projekti kanë folur koordinatori i projektit Musë Mushkolaj, përfaqësuesja e GIZ-it Gjerman Elena Lauch dhe drejtori i drejtorisë së Zhvillimit Ekonomik Betim Mataj. Më ketë rast bartësit e këtij projekti ftojnë të gjithë prodhuesit bujqësor të  komunës së Deçanit që të kontaktojnë me Drejtorinë Komunale të Bujqësisë dhe të marrin lejet e shfrytëzimit të këtyre  pikave shitëse dhe më pastaj të fillojnë me shitjen e prodhimeve të tyre. Gjithashtu ftojmë edhe konsumatorët, që të shfrytëzojnë ofertat e prodhuesve vendor për nevojat e konsumit të tyre.

Kontrolloni gjithashtu

Kryetari Haliti reagon ashpër ndaj ndaljeve të shpeshta të energjisë elektrike dhe furnizimit jo stabil

Pas pranimit të shqetësimeve të shumta nga qytetarët rreth furnizimit jo të rregullt me energji …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara