Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kancelarja gjermane, Angela Merkel dhe kryetari i Francës Emmanuel Macron biseduan në telefon me kryetarin e Rusisë, Vladimir Putin, njoftoi agjensia e lajmeve Anadolia. Zëdhënësi i qeverisë gjermane Steffen Seibert thotë se Merkel dhe Macron kanë diskutuar me Putinin lidhur me përshkallëzimin e krizës në rajonin veriperëndimor sirian të Idlibit. Deklarata thotë se udhëheqësit gjermanë dhe francezë i thanë Putinit se ata ishin jashtëzakonisht të shqetësuar për ngjarjet në Idlib dhe i bëri thirrje presidentit rus që të ndalë sulmet dhe përleshjet në atë zonë si çështje urgjente. Ata gjithashtu i kërkuan Putinit që të mos bllokojë korridoret humanitare në Idlib, duke u shprehur pro gatishmërisë për t’u takuar me Putin dhe Presidentin turk Rexhep Tajip Erdogan dhe për të diskutuar një zgjidhje politike për Idlibin. Turqia dhe Rusia në Shtator 2018 ranë dakord për ta kthyer Idlibin në një zonë de-përshkallëzimit në të cilën aktet e agresionit ishin të ndaluara. Sidoqoftë, forcat e regjimit të Bashar al-Asad me mbështetje ajrore ruse shkelin kushtet e armëpushimit, duke kryer sulme të shpeshta brenda zonës, duke vrarë të paktën 1.800 civilë pas marrëveshjes.
