Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emisari amerikan për Ballkanin Perëndimor, Gabriel Escobar, ka folur për sfidat aktuale të rajonit me të cilin është i ngarkuar. Ai shprehu shqetësimin për një “Ballkan të dy shpejtësive” ku vuri theksin te ndarja mes politikanëve pro perëndimorë dhe atyre që kanë orientime te faktorë tjerë. Te çështja për Kosovën e Serbinë, Escobar u fokusua te pika e Asociacionit si kyçe për të dalë nga ngërçi. Por, amerikanët kanë një kërkesë të rëndësishme për Serbinë. Emisari Escobar nuk pajtohet që ndërmjetësuesit e dialogut Kosovë-Serbi e kanë të nevojshme një qasje të re për të intensifikuar këtë proces. Ai thotë se qasjen e re duhet ta sjellin disa persona, që e kanë marrë përsipër dialogun, duke aluduar te kryeministri Albin Kurti. Escobar potencoi kërkesat që aktualisht i ka Amerika ndaj Kosovës e Serbisë për të dalë nga pozita e mospasjes së suksesit në Bruksel. Escobar thotë se detyra e Kosovës është e qartë – themelimi i Asociacionit. Serbisë tash për tash i kërkohet durimi dhe të mos e destabilizojë Kosovën. Duhet të vazhdojmë të punojmë me dialogun. Nuk ka alternativë. Nuk ka alternativë për rajonin përveç integrimit europian”, ka thënë Escobar.
