Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës, Ganimete Musliu, ka reaguar ashpër ndaj deklaratave të kryeministrit në detyrë, Albin Kurti, i cili së fundmi ka përdorur termin “nomadë” për deputetët e ish-opozitës. Musliu ka thënë se, sipas saj, nomadi i vërtetë është vet Kurti, duke e akuzuar për mungesë lidhjeje me Kosovën. Albin Kurtit i ka humbur topi fare. Ai përdor gjuhë përçarëse me qëllim të thellimit të krizës politike, sepse i konvenon vakumi institucional, ka thënë Musliu. Ajo e ka akuzuar Kurtin se nuk e rrit fëmijën e tij në Kosovë dhe se nuk ka as shtëpi në vend, duke shtuar se ka blerë pronë në Norvegji. “Nëse dikush i përshtatet termit ‘nomad’, ai është vet Kurti – pa të kaluar, pa rrënjë e pa ndjenja për këtë vend,” ka theksuar ajo. Musliu përfundoi duke nënvizuar se ajo dhe shumë qytetarë të tjerë kanë vetëm një atdhe – Kosovën – dhe se janë të lidhur me këtë tokë përmes brezave dhe historisë së tyre.
