Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i LDK-së Isa Mustafa dhe kryetari i PDK-së Kadri Veseli kanë zyrtarizuar dy emërimet e reja në Qeverinë e Kosovës. Hajredin Kuçi, do të ushtrojë detyrën e ministrit të Drejtësisë, por do të jetë edhe zëvendës-kryeministër, ndërsa Enver Hoxhaj është emëruar ministër i Punëve të Jashtme. Gjatë zyrtarizimit, kryetari i PDK-së, Kadri Veseli ka thënë se me Isa Mustafën, kryetarin e LDK-së, është marrë vesh për një etapë të re të qeverisjes së tyre. Ai ka thënë se me kryeministrin është marrë vesh për përmirësimin e situatës ekonomike të Kosovës. “Jemi marrë vesh që në vitin 2017 të fillojmë me ligjin për sigurime shëndetësore, e di që është situatë e vështirë, por ne do të vazhdojmë me përmirësimin e shëndetësisë në Kosovë”, ka thënë Veseli. “Ligjin për Trepçën do ta aprovojmë shumë shpejtë. Do të përkojë me interesat e vendit dhe në të njëjtën kohë interesat e punëtorëve. Po ashtu së bashku me partnerin sot kemi bërë që të kemi dy emërime të reja. Emërime janë pjesë e vazhdës së reformave të qeverisjes së tanishme”.
