Hasan Qyqalla: BETOHU ...

Hasan Qyqalla: BETOHU …

Betohu në shpatën e Kastriotit

Në plisin e Dadë Shotës

Në Flamurin e Plakut të Vlorës

Në alfabetin e Manastirit

Në dashurinë e Nënë Terezës.

 

Betohu në fjalën e studentit

Në urtin e Anton Çettës

Në Kanunin e Lekës

Në trimërinë e Pajazitit

Në pushkën e Jasharajve…!

 

Betohu në djepin e Loke Madhes

Në qumshtin e nënë Arbërisë

Në këngë të rapsodit

Në oxhakun e fisit tim…!

 

Betohu në Krisht

Në një Zot betohu shqip

Betohu në gjakun e njomë e në pleqësi

“…kurrë ndër vëllëzër t’mos ketë hasmëri…”

Flakë gjaku me Besa – Besë

Vetëm SHQIP DUA TË VDES…!

 

 

VDEKJA KRENARE

-Familjes Jasharaj-

 

U përkula para Teje: t’më dëftosh Ti, o Trim

U gjunjëzova para syve: t’thellë sa deti I Arbërit

U përshëndetëm pa zë: për Nder të fisit tim

U ndamë në heshtje: unë n’udhën e mërgimtarit.

 

Shqiponjë në këngë Kosove

Gjergj epokal i trungut të ri

Baladë shekulli hyre prore

Kandil kombi i brezit të ri…

 

Fryj një çast puhi marsi: flladit qerpikun e atdhetarit

Ndal rënkimin lum Prekazi: flakadan përtej malit

Zjarr, o trim nga trimëritë: Kosovë djep i Shqiptarit

„Ndal!“ – i the dhunës barbare mbi bijtë e Arbërit.

 

Kur këndohen këngë Lirie

Sjell voglushët çdo shkurt e mars

Të takoj në tel poezie

Dritë, legjendë,…histori në laps…!

 

 

TA BËJMË SHQIPËRINË

 

Atje ku bebzë e Tokës buron gjak

Atje ku Bes’ e Flamur n’arkë, n’miqësi

Atje ku n’bisht ngreh kokë bajlozi plak

Krenarisht ajo Tokë quhet Shqipëri…

 

Atje ku janë ndërtuar kullat Dardane

Bajraqet ngritur lart në atë Troll

Loja e fëmijëve në gjuhë Ilirjane

Atje, ajo Tokë quhet Kosovë…

 

Atje ku fushëmejdanet kundërmojnë barot

Ku “Kali i Trojës” merr turr e vrap

Ku loket përkundin djepat me këngë e lot

Ajo palcë Tok’ e bekuar, Kosovë quhet prap…

 

Atje ku ëmbël përkdhelen valët e detit

Ku Nora e Kelmendit shkroi “parahistori”

Atje ku Oso Kuka n’krye t’arbanasëve të kepit

Derdhi gjakun shqip vetëm për Abëri…

 

Atje ku flasim, qajmë e qeshim edhe sot

Ku u mbajt kongresi n’zemër të Manastirit

Bilbilat e kombit n’akord me gaz e lot

N’Abetare të shkruhet kjo Tokë është ILIRI…

 

Atje ku vampirët sot luajnë lojën e djallit

Sofrat janë shtruar me bukë, krip e zemër

Është këngë e plumb roje mbi majën e malit

Luginë e Shqiponjave ju thonë për emër…

 

Atje ku edhe sot pallen bijtë e Helen – usit

Edhe ai Dhe është i shqipeve Çamëri

Për ne tash po vie (ndoshta) treni i fundit

Unik në një Truall, ta bëjmë Shqipërinë – SHQIPËRI

Kontrolloni gjithashtu

Skënder Demaliaj: Në Bashkinë e Tropojës u organizua ceremonia e dhënies së titullit “Qytetar Nderi”, Shaban Haxhi Demalisë dhe Murat Pacit

Skënder Demaliaj: Në Bashkinë e Tropojës u organizua ceremonia e dhënies së titullit “Qytetar Nderi”, Shaban Haxhi Demalisë dhe Murat Pacit

Në Bashkinë e Tropojës u organizua ceremonia e dhënies së titullit “Qytetar Nderi”, Shaban Haxhi …