Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-presidenti i Kosovës, Hashim Thaçi, ka ardhur në Kosovë për herë të tretë që nga arrestimi i tij nga Gjykata Speciale në Hagë në nëntor të vitit 2020. Vizita u lejua për arsye humanitare, pasi babai i tij është i sëmurë. Gjykata Speciale, e cila më parë kishte refuzuar dy kërkesa të Thaçit për vizitë, këtë herë e aprovoi atë duke vendosur masa të rrepta sigurie gjatë qëndrimit të tij në Qendrën Klinike Universitare të Kosovës në Prishtinë. Avokati i akredituar pranë Dhomave të Specializuara, Artan Qerkini, kritikoi masat e sigurisë, duke i cilësuar ato të tepruara dhe të panevojshme, meqenëse të gjithë të akuzuarit, përfshirë Thaçin, kanë treguar bashkëpunim të plotë me gjykatën. Kryetari i OVL-UÇK-së, Hysni Gucati, e quajti vendimin e Gjykatës Speciale një akt humanitar të vonuar, duke akuzuar institucionin për shkelje të të drejtave të të burgosurve dhe për vonesë në miratimin e kërkesave për vizita humanitare.
