Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-prokurorja e EULEX-it, Maria Bamieh e cila akuzoi këtë mision për korrupsion dhe e ka paditur për përfundim të padrejtë, ka siguruar se procedurat e gjykimit do të jenë në dispozicion për publikun. Ajo kishte ngritur shqetësime lidhur me korrupsionin brenda radhëve dhe tashmë ka fituar betejën e saj të parë ligjore kundër ish-punëdhënësit të saj. Në një rast që po vazhdon në një gjykatë britanike për punësim, kryetari i trupit gjykues hodhi poshtë kërkesën e EULEX-it për mos publikim të procedurave gjyqësore dhe vendosi në favor të Bamieh, e cila donte që procedurat të jenë publike. Bamieh, që tani jeton në Londër, ka akuzuar EULEX-in për shkarkimin e padrejtë, pasi ajo bëri akuzat për korrupsion kundër kryeprokurorëve ndërkombëtarë dhe gjyqtarëve që shërbejnë në Kosovë. Bamieh tani ka luftuar me sukses kërkesën e misionit për “urdhër anonimizimi” i cili do të mbajë konfidenciale jo vetëm procedurat, por edhe informacion në lidhje me të paditurin kryesor, EULEX.
