Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në fjalimin që mbajti sot, kryetari i Kuvendit, Kadri Veseli, foli edhe për taksën ndaj produkteve serbe. Ai tha se nuk duhet të prishemi me miq për taksën ndaj Serbisë. “Serbia e ka merituar dhe e meriton taksën, për shkak të sjelljeve të saj karshi nesh. Largimi i saj është i panegociueshëm, për shumë arsye.Por, përmbi emocionet e taksës ndaj Serbisë, dua të flas për urgjencën e racionalitetit shtetëror”, tha Veseli. Ai tha se vendimmarrja shtetërore nuk duhet të jetë as përgjegjësi dhe as kritikë individuale. “Në vendimmarrje shtetërore, asgjë nuk duhet të ketë personale. Pra, edhe ky vendim, si çdo vendim tjetër për Kosovën, duhet të jetë shtetëror, institucional. Duhet t’i vëmë në peshojë interesat strategjike të shtetit tonë përballë Serbisë, duke marrë parasysh edhe reflektimet për faktorët determinues të botës që na rrethon; Rusisë me aleatë në njërën anë, dhe SHBA-së e BE-së në anën tjetër”, tha Veseli
