Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
KMDLNJ thotë se Qeveria e Kosovës vazhdon zbatimin e një Marrëveshjeje kriminale e raciste me Mbretërinë e Danimarkës për lëshim me qira të Qendrës së Paraburgimit në Pasjak të Gjilanit ku, për fillim do të vendoseshin 300 të dënuar në Danimarkë për vepra të rënda penale dhe të cilët Danimarka me çdo kusht do t’i transferojë në Kosovë për faktin se nuk po kanë kapacitet t’i risocializojnë. Asnjëri nga të dënuarit që do të transferohen në kundërshtim me vullnetin e tyre nuk është danez apo shtetas danez, të gjithë janë nga shtetet tjera, kryesisht arabe, të Afrikës apo shteteve të pazhvilluara e që konsiderohen që paraqesin rrezik për Mbretërinë e Danimarkës. Shuma që këta të burgosur i shiten Kosovës është e papërfillshme, afërsisht 200 milionë euro. Ky trafikim legal me qenie njerëzore midis Kosovës dhe Danimarkës është kundërshtuar në Danimarkë nga aktivistë për të drejtat e njeriut kurse në Kosovë, që nga fillimi është kundërshtuar fuqishëm vetëm nga KMDLNj. Komiteti për Parandalimin e Torturës i Kombeve të Bashkuara e ka kundërshtuar këtë Marrëveshje shkaku se i shkelë të drejtat e njeriut dhe ka kërkuar nga qeveria e Danimarkës ta anulojë këtë Marrëveshje.
