Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Biblioteka Kombëtare e Kosovës dhe Shoqata e të Burgosurve Politik të Kosovës kanë hapur ekspozitën “Kujtesa e Kosovës: Portrete të Adem Demaçit në pikturë dhe fotografi”, për nder të 84 vjetorit të lindjes së veprimtarit për çështje kombëtare, Adem Demaçi. Në hapjen e kësaj ekspozite, kryeministri Kurti i thuri lëvdatat më të mëdha Adem Demaçit duke e cilësuar si veprimtarin më unik e më autentik, duke thënë se ai u bë mësues, intelektual. Ai shtoi se Demaçi punonte gjithmonë për bashkimin kombëtar duke mos bërë asnjëherë përçarje në mes. Fazli Gajraku, drejtor i Bibliotekës së Kosovës tha se është nder i veçantë që Shoqata e të Burgosurve Politik të Kosovës, ka mundësuar hapjen e kësaj ekspozite e koleksioni të rrallë: që do të ruhet në këtë bibliotekë. Anëtari i Shoqatës të Burgosurve Politik, njëherit edhe koleksionuesi i ekspozitës, Selatin Novosella tha se arkivi i jetës dhe veprës së Adem Demaçit është i jashtëzakonshëm me rreth 10 mijë faqe të dokumenteve arkivore.
