Komuna e Rahovecit ka filluar ekzekutimin e pagesës së dëmeve nga vërshimet e datës 17.09.2022 për amvisëri dhe ekonomi familjare

Komuna e Rahovecit në shtator të vitit 2022 si pasojë e vërshimeve ka pësuar dëme të konsiderueshme në bujqësi, ekonomi familjare dhe amvisëri dhe kryetari Latifi ka formuar menjëherë një komision komunal i cili në bashkëpunim me qytetarët të cilët janë dëmtuar, me ditë të tëra ka bërë identifikimin dhe vlerësimin e dëmeve. Komisioni komunal pas një pune të jashtëzakonshme në vlerësimin objektiv të dëmeve, ka hartuar raport profesional të detajuar sipas standardit të kërkuar nga komisioni qendror i kryesuar nga z. Kastriot Lajçi. Komuna e Rahovecit përgjatë kësaj periudhe më shumë se një vjeçare, ka bërë përpjekje të vazhdueshme duke harmonizuar të gjithë procesin në bashkëpunim të plotë me AME-në, me qëllim që asnjë qytetar të mos mbetet pa u dëmshpërblyer. Po ashtu, Komuna e Rahovecit ka marrë të gjitha masat e nevojshme në hapjen dhe rregullimin e shtretërve të përrenjve me qëllim që të mos përsëriten vërshime dhe dëmtime të tilla si ato të 17 shtatorit të vitit 2022. Pasi që është bërë kompensimi i 90% të vlerës së dëmeve për 323 familje nga komuna e Rahovecit, kryetari Latifi falënderon drejtorinë për Ekonomi, Zhvillim dhe Turizëm, të gjithë anëtarët e komisionit komunal dhe atij qendror për angazhimin, profesionalizmin dhe bashkëpunimin e treguar, po ashtu falënderon qytetarët për gatishmërinë dhe bashkëpunimin e treguar gjatë vlerësimit të dëmeve!

No photo description available.

Kontrolloni gjithashtu

Kuvendi Komunal i Vitisë mbajti mbledhjen e dytë të rregullt

Mbledhja e dytë e rregullt e Kuvendit Komunal të Vitisë, është mbajtur, ku në fillim …