Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesit politikë si dhe afaristët që shtrijnë biznesin e tyre në komunat në jug të Serbisë, Preshevë, Medvegjë e Bujanoc, thonë se e përkrahin vendimin e Qeverisë së Kosovës për vendosjen e taksës 100 për qind për prodhimet e importuara nga Serbia. Pavarësisht faktit që këto tri komuna të banuara me shqiptarë shtrihen në territorin e Serbisë, përfaqësuesit e atjeshëm thonë se masa për taksën doganore ishte e domosdoshme, ndërkaq i kërkojnë Qeverisë së Kosovës që kjo taksë të mos i prek bizneset shqiptare, qofshin ato nga Presheva, Medvegja e Bujanoci apo biznese nga Kosova që shtrijnë aktivitetin e tyre në të dyja anët e kufirit. Kryetari i Partisë Demokratike Shqiptare, njëherësh ish-kryetari i Preshevës, Ragmi Mustafa, tha për Radion Evropa e Lirë se në ditët në vijim Qeveria e Kosovës duhet të shikojë mundësinë që të largojë taksën vetëm për produktet e kompanive shqiptare në Kosovën Lindore.
