KPF i komunës së Malishevës ka mbajtur mbledhjen e tretë të radhës

01/03/2017 Institucionet

Komiteti për Politikë dhe Financa, i drejtuar nga kryesuesi i Kuvendit të Komunës së Malishevës, Aiziz Thaçi, ka mbajtur mbledhjen e tretë të komitetit, ku pikë e vetme e rendit të ditës ishte, shqyrtimi i raportit të komisionit për shqyrtimin e ankesave për emërtimin e rrugëve, në territorin e Komunës së Malishevës.

Para anëtarëve të komitetit, ka raportuar Rrahim Morina, udhëheqës i këtij komisionit të formuar nga ana e Kuvendit të Komunës së Malishevës. Sipas Morinës, komisioni ka pasur një punë të vështirë, të mundimshme, ku vështirësitë janë paraqitur tek ankesat, për vendosjen e emrave të familjarëve.

Sipas tij, komisioni ka trajtuar të gjitha ankesat e qytetarëve, si dhe kanë mbajtur takime me kryesitë dhe kryetarët e të gjitha vendbanimeve.

Pas shqyrtimit të këtij raporti nga ana e anëtarëve të Komitetit për Politikë dhe Financa, raporti i këtij komisioni, është rekomanduar për mbledhjen e ardhshme të Kuvendit të Komunës së Malishevës, ku edhe përfundimisht do të merret vendimi për emrat e kontestuar nga ana e qytetarëve, pasi emërtimi i rrugëve, është përgjegjësi e Kuvendit të Komunës.

Kontrolloni gjithashtu

Kryetari Latifi nënshkroi kontratat me tre praktikantë nga skema praktike në punë

Sot, kryetari i komunës së Rahovecit z. Smajl Latifi nënshkroi kontratat me tre praktikantë nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara