Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në detyrë i vendit, Ramush Haradinaj bashkë me disa nga ministrat e Qeverisë kanë arritur sot në Durrës në zonat e prekura nga tërmeti. Ata atje janë takuar me policët dhe ushtarët e Kosovës të angazhuar në operacionet e kërkim-shpëtimit. Haradinaj para mediave ka thënë se populli i Kosovës bashkëndjen dhimbjen me me Shqipërisë, si dhe viktimat e tragjedisë. “Jemi sot në Durrës, pranë efektivëve të policisë, ushtrisë së Kosovës e Shqipërisë. Ne bashkëndjejmë me familjet e viktimat. Kemi një numër të caktuar të qytetarëve të Shqipërisë që janë në Kosovë. Kemi një vendqëndrim të cilin e kemi hap për strehim. Tani janë 500 persona të strehum aty. Kushtet nuk janë perfekte, por megjithatë kemi bërë përpjekje që askush mos të mbes në qiell të hapur”, ka thënë ai. Kryeministri ka theksuar po ashtu se është e vështirë që ndihmat të menaxhohen, dhe se do të besojë që ato nuk do të keqpërdoren.
