Fillimi / Lajmet / Kryeministri i Maqedonisë, Zoran Zaev dhe kryekuvendari, Talat Xhaferi qëndruan në Xhaminë e Mustafa Pashës
Kryeministri i Maqedonisë, Zoran Zaev dhe kryekuvendari, Talat Xhaferi qëndruan në Xhaminë e Mustafa Pashës

Kryeministri i Maqedonisë, Zoran Zaev dhe kryekuvendari, Talat Xhaferi qëndruan në Xhaminë e Mustafa Pashës

Manifestimi qendror nën organizimin e Bashkësisë Fetare Islame të Maqedonisë  u mbajt në xhaminë Mustafa Pasha në Shkup, ku përveç numrit të madh të besimtarëve, të pranishëm ishin edhe kryeministri, Zoran Zaev dhe kryeparlamentari, Talat Xhaferi, Në hytben e Bajramit të cilën në emër të kryetarit të Bashkësisë Fetare Islame të Maqedonisë, e lexoi një nxënës i medresesë “Isa Beu” në Shkup, theksi u vendos te paqja dhe harmonia në këtë ditë festive. “Ju ftoj t’ i gëzoheni kësaj feste, kësaj dite e cila shënon vullnetin dhe gatishmërinë tonë për të sakrifikuar në emër të krijuesit tonë, Allahut fuqiplotë”, u tha mes tjerash në mesazhin e Rexhepi. “Në emër të Kuvendit të Republikës së Maqedonisë ju uroj Kurban Bajramin me shpresë se edhe Bajrami i ardhshëm do të na gjej të bashkuar në rrugën e drejtë dhe në rrugën e Zotit”, tha kryeparlamentari Xhaferi në urimin e tij.

Kryeministri Zoran Zaev i pranishëm në xhaminë qendrore në Shkup, tha se veçoritë e Kurban Bajramit si një festë e solidaritetit, familjes dhe ndihmës së ndërsjellë, e bëjnë këtë festë të madhe. “Pikërisht nga respekti për këtë festë të madhe, jam këtu pranë jush, me besimtarët në mënyrë që ta zgjerojmë edhe më tutje bukurinë e tij. Unë besoj se në shpirtin e humanizmit dhe miqësisë do të qëndrojmë të bashkuar dhe si të tillë ta ndërtojmë Republikën e Maqedonisë si një shoqëri për të gjithë”, tha kryeministri Zaev.

Kontrolloni gjithashtu

Grupi parlamentar i AAK-së ka iniciuar debatin parlamentar në Kuvend lidhur me ngritjen e çmimeve të produkteve elementare

Besnik Tahiri: Të enjten mbahet seancë për rritjen e çmimeve të energjisë, por ne do ta kundërshtojnë me çdo kusht

Shefi i grupit parlamentar të AAK-së, Besnik Tahiri  tha se të enjten do të mbajnë ...