KEK
Fillimi / Lajmet / Kryetari i AAK-së, Ramush Haradinaj i përkujton të rënët në masakrën e Poklekut të Vjetër të Drenasit
Kryetari i AAK-së, Ramush Haradinaj i përkujton të rënët në masakrën e Poklekut të Vjetër të Drenasit

Kryetari i AAK-së, Ramush Haradinaj i përkujton të rënët në masakrën e Poklekut të Vjetër të Drenasit

Kryetari i AAK-së, Ramush Haradinaj i ka përkujtuar të rënët në masakrën e Poklekut të Vjetër në Drenas, gjurmët e këtij krimi janë endë të freskëta edhe tani pas 22 vitesh. Ai ka thënë edhe pse drejtësia heshti, nuk u zbehën kujtimet e as nuk u shua malli për ata që fëmijëria e tyre u rrëmbye nga barbarët serbë. Në vazhdim të shkrimit të tij Haradinaj ka pyetur Përse kjo urrejtje? Përse të sulmohen tri familje të pambrojtura? Përse të vriten fëmijët e nënat e tyre? Përse të digjen kufomat? Përse drejtësia heshti para këtij krimi makabër?

 

Shkrimi i plotë

Edhe pse drejtësia heshti, nuk u zbehën kujtimet e as nuk u shua malli për ata që fëmijëria e tyre u rrëmbye nga barbarët!

Me dhembje në zemër, duke e ditur se drejtësia ende nuk është vendosur, njëzetedy vite pas Masakrës në Poklek të Vjetër, kur gjurmët e gjakut në bodrumin e Fadil Muqollit ende janë të freskëta, kujtojmë jetët e pafajshme të humbura e të rrëmbyera nga ata që tentuan të zhbijnë qenien dhe ekzistencën tonë.

Tre fëmijët e Mehdi Muqollit ishin prej dhjetëmuajsh deri në katër vjeç.

Dorës barbare nuk i shpëtuan as vajzat e Qamil Muqollit, Liria gjashtëmuajshe dhe Florentina tri vjeçe, e as fëmijët e Fadil Muqollit, Egzoni katër vjeç, Ylberi dhjetë, Naseri dymbëdhjetë dhe Shehidja trembëdhjetë vjeçe.

Në Poklek, u ekzekutuan mizorisht edhe Fatos (Xhavit) Muqolli një vjeç dhe motra e tij Eronita katër vjeçe, pesë fëmijët e Ilmi Muqollit, Albulena (5), Agroni (10), Rexhepi (12), Fatmirja (17) dhe Vezirja (20), katër vajzat e Sinan Muqollit: Hafija, Sherifja, Elifja dhe Eminja nga dhjetë deri në njëzetedy vjeçare, fëmijët e Liman Muqollit, Mërgimi, Mirsadi dhe Menduhija nga pesë deri njëmbëdhjetë vjeçarë, djemtë e Ejup Carakut, Hasani dymbëdhjetë e Besarti trembëdhjetë vjeç.

Nuk shpëtoi as Avdullahu dymbëdhjetë vjeç e as katër djemtë e Ymer Elshanit.

Përse kjo urrejtje? Përse të sulmohen tri familje të pambrojtura? Përse të vriten fëmijët e nënat e tyre? Përse të digjen kufomat? Përse drejtësia heshti para këtij krimi makabër?

Që të jetojë i lirë shqiptari, ne bashkuam pushkët në Ushtrinë Çlirimtare të Kosovës dhe shporrëm armikun jashtë. Pas çlirimit, vazhduam me TMK-në dhe FSK-në, të cilën e transformuam në ushtri. Ushtri që nuk do të lejojë që populli ynë të ripërjetojë dhembjet që u shkaktuan mbi ne për më shumë se tetë dekada okupimi.

Kontrolloni gjithashtu

Arben Gashi: Saranda Bogujevci po keqpërdoret nga Vetëvendosje me qëllim të viktimizimit të saj për përfitime politike

Arben Gashi: Saranda Bogujevci po keqpërdoret nga LV-ja me qëllim të viktimizimit të saj për përfitime politike

Deputeti i LDK-së, Arben Gashi në një konferencë për media para gazetarëve ka folur për ...