Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Deçanit, Bashkim Ramosaj, ka akuzuar Qeverinë e Kosovës për mungesë të bashkëpunimit me komunat që nuk udhëhiqen nga Lëvizja Vetëvendosje. Ramosaj ka bërë të ditur se i ka dërguar Ministrit të Financave, Hekuran Muratit, mbi 55 shkresa për një takim zyrtar, por ato janë refuzuar, duke sjellë pasoja financiare për komunën. Ramosaj tha se për shkak të këtij moskomunikimi, Deçani ka humbur një projekt prej 5 milionë eurosh për ndërtimin e një teleferiku, pasi ministria nuk dha garancinë shtetërore të nevojshme për sigurimin e kredisë. Ai gjithashtu kritikoi Qeverinë për mungesën e mbështetjes financiare për rrugën Deçan-Plavë, duke theksuar se prej tri vitesh nuk është ndarë asnjë fond për këtë projekt. Pavarësisht këtyre sfidave, Ramosaj prezantoi disa projekte të realizuara në mandatin e tij, përfshirë Qendrën Rinore “Fitnete Ramosaj”, një hapësirë e krijuar për shoqërinë civile dhe artistët lokalë.
