Kryetari i Komunës, Fadil Nura priti në takim kryetarin e Këshillit të Bashkësisë Islame në Skenderaj, Ibrahim Hoti

25/03/2024 Institucionet

Kryetari i Komunës, Fadil Nura, bashkë me drejtorët Driton Mulaj dhe Alban Berisha, ku ishte i pranishëm edhe deputeti i Parlamentit të Kosovës, Mërgim Lushtaku, kanë pritur të hënën në takim kryetarin e Këshillit të Bashkësisë Islame në Skenderaj, Ibrahim Hoti me bashkëpunëtorë, ku është diskutuar për fillimin e punimeve për ndërtimin e një xhamie të re në Skenderaj.

Siç u bë e ditur në takim, ndërtimi i xhamisë vije si rezultat i kërkesës së KBI-së dhe besimtarëve islam, por edhe për shkak të rritjes së qytetit të Skenderaj si në aspektin demografik ashtu edhe në atë urbanistik.

“Lajm i mirë në muajin e madhërishëm të Ramazimit, fillimi i ndërtimit të një xhamie të re në qytetin tonë, si përgjigje e kërkesave të besimtarëve islam, Këshillit të Bashkësisë Islame dhe nevojës nga rritja në vazhdimësi e qytetit të Skenderajt.

Sot me udhëheqësit e KBI-së, me kryeimamin Ibrahim Hoti, bashkëpunëtorët e tij dhe deputetin e Parlamentit të Kosovës, Mergim Lushtaku, për të diskutuar në hollësi këtë projekt dhe me të cilët jemi përcaktuar edhe për lokacionin e dedikuar sipas Hartës Zonale, ku do të ndërtohet një xhami e bukur!”, ka deklaruar pas takimit kreu i Komunës së Skenderajt, Fadil Nura.

Kontrolloni gjithashtu

Me ftesë të kryetarit Kastrati udhëheqja e komunës së Meyrinit (Zvicër) po qëndron në Malishevë

Me ftesë të kryetarit të Komunës së Malishevës, Ekrem Kastrati, një delegacioni i komunës së …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara