Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kuvendi i Kosovës ka miratuar Projektligjin për të drejtat e autorit dhe të drejtat e përafërta. Me këtë, tashmë ligj, vendosen kufizime edhe në shfrytëzimin dhe riprodhimin e krijimeve gazetareske. Me pikën 1.9 të nenit 12 tani lajmet e ditës dhe raportimet janë krijime të mbrojtura, të paktën për një afat të caktuar kohor. “Lajmet e ditës dhe informacionet e ndryshme ,që kanë karakter të raportimeve të rëndomta të medieve, mund të riprodhohen vetëm pasi të kenë kaluar së paku dymbëdhjetë orë nga publikimi i tyre”, shkruhet në amendamentin e dytë. Kjo mënyrë e veprimit është bazuar në praktikën e Austrisë. Kemi propozuar të këtë limit kohor, por që gjërat mund të ndryshojnë vetëm nëse kompanitë në këtë rast kanë një marrëveshje të caktuar. Po shpresojmë që do të funksionojë si i tillë”, ka thënë Ardita Zejnullahu, drejtoreshë ekzekutive e Asociacionit të Medieve të Pavarura Elektronike të Kosovës. Ky projektligj u miratua me 60 vota për, 12 abstenime dhe pa asnjë votë kundër.
