Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Arsimit, Shkencës dhe Teknologjisë ka dështuar edhe këtë vit të nisë me procesin e mësimit tërëditor në nivelin parauniversitar. Ndonëse kabineti i ministrit në largim, Shyqiri Bytyqi, muaj më parë pati premtuar se nga shtatori në 29 shkolla të Kosovës do të nisë pilotimi i këtij procesi, kjo nuk ka ndodhur. Ky është viti i dytë që qeverisja në largim premton fillimin e këtij procesi, mirëpo dështon në fillimin e realizimit të tij. Plani i MASHT-it ka qenë që mësimi tërëditor të pilotohet në nga një shkollë të secilës komunë të Kosovës. Ministri në largim i Arsimit, Shyqiri Bytyqi, nuk i është përgjigjur gazetës për arsyet që kanë çuar në dështimin e këtij procesi. Nga ana tjetër, drejtori i Departamentit të arsimit parauniversitar në MASHT, Alush Istogu, ka bërë të ditur se ky proces nuk mund të fillojë pa u hartuar fillimisht infrastruktura ligjore.
