Fillimi / Lajmet / Mbrojtja e Gucatit dhe Haradinajt e kundërshton vendimin e gjykatësit të procedurës paraprake
Mbrojtja e Hysni Gucatit dhe Nasim Haradinajt e kundërshton vendimin e gjykatësit të procedurës paraprake

Mbrojtja e Gucatit dhe Haradinajt e kundërshton vendimin e gjykatësit të procedurës paraprake

Në Hagë po mbahet konferencë përgatitje për gjykim në rastin e ish-krerëve të Organizatës së Veteranëve të Luftës së UÇK-së, ku ndër të tjera avokatët kanë shprehur kundërshtimet e tyre sa i përket vendimit të gjykatësit të procedurës paraprake. Mbrojtja ka kërkuar nga trupi gjykues që të shqyrtojë edhe njëherë këtë çështje për çka ka deklaruar që do të bëjnë edhe parashtrimet me shkrim. Ndër të tjera, në seancën e sotme, mbrojtja ka paraqitur kundërshtimet për veprat penale dhe format e përgjegjësisë, sa i përket vendimit të gjyqtarit të procedurës paraprake. Rees, i cili mbron ish-kreun e OVL të UÇK-së Hysni Gucatin, ka thënë se nuk e pranojnë analizën e bërë nga gjykatësi i procedurës paraprake. Ndërsa mbrojtja e Nasim Haradinajt, Tobby Cadman ka kërkuar nga trupi gjykues që të shqyrtojë edhe njëherë këtë çështje. E sipas Zyrës së Prokurorit të Specializuar, të akuzuarit kanë frikësuar dëshmitarët përmes paraqitjeve të tyre në konferenca për media vitin e kaluar. Lidhur me këtë, prokurori ka thënë se veprimet e Gucatit dhe Haradinajt vitin e kaluar, kanë pasur efekt në Zyrën e Prokurorit të Specializuar duke penguar zyrtarët të kryejnë detyrën e tyre.

Kontrolloni gjithashtu

Nga testimi i 7.946 mostrave, 1.067 qytetarë kanë rezultuar pozitiv me virusin korona

Sot nuk ka vdekur asnjë i infektuar me virusin korona, janë paraqitur 3 mijë e 206 raste të reja, ndërsa janë shëruar 317 të infektuar

Ministria e Shëndetësisë, duke u mbështetur në të dhënat zyrtare të Institutit Kombëtar të Shëndetësisë ...