Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 13 janar të vitit 1999, me ndërmjetësimin e OSBE-së ishte arritur marrëveshja për lirimin e tetë robërve serbë të luftës që ishin ndaluar nga UÇK-ja me 9 pjesëtarët e UÇK-së, të cilët ishin mbajtur në burgun e Nishit, nga regjimi i Milosheviqit. Përfaqësuesit e SHP të UÇK-së, Jakup Krasniqi, Sokol Bashota dhe Ramë Buja, pastaj përfaqësuesit e Bashkësisë Ndërkombëtare, Kristofer Hill, Volfgang Petriq dhe Viliam Voker arritën marrëveshjen e shkëmbimit të trupave. Ushtarët serbë ishin marrë në dorëzim nga verifikuesit e OSBE-së. Ndërkohë, regjimi i Milosheviqit kishte liruar nga burgu i Nishit 9 pjesëtarët e UÇK-së, që ishin kapur gjallë pas Betejës në Pashtrik, më 14 dhjetor të vitit 1998, shumica prej tyre të plagosur rëndë.
Me këtë marrëveshje mes palësh ndërluftuese, Serbia, dashur pa dashur, kishte pranuar UÇK-në. (RKL TV-Dielli Kalendari Kombëtar)
