Mehmet Bislimi: Çamëri

20/06/2021 Kultura

Tema të tjera...

kështu nuk ka thënë zoti

të degdisur anembanë

pika gjaku

pika loti

na mbeti pa emër konaku

me peshën e vuajtjeve mbi shpinë

na mbeti shkret oxhaku

me zemër në plasje

Çamëri

Ulqin

Luginë

Janinë

me lot e trishtim

dot nuk ju kthyem

pika loti

pika gjaku

na mbiu ferra te pragu

shpirti im i plagosur

tokë e djegur

tokë e sosur për liri

Çamëri

gjymtyrë e trupit tim

me plagët e ndarjes mbi shtat

që nga dëbimi i parë

dhembje e gjatë

pengu i shpirtit mbetur varë

Çamëri

mos vdeksha i ri

pa hequr vetë me dorën time

në arat tona

brazdën e parë

në tokën boshatisur

parmendë e vjetër

shenjë gjallërie e një kohe tjetër

zotin e madh e kemi dëshmitar

Çamëri

mos vdeksha i ri

pa ardhur tek ti

tek porta jonë e vjetër

tek të parët tanë

tek foleja jonë

nën atë çati

Çamëri

pengu ynë i përjetshëm

plagë që djeg në gji

Çamëri

pse jetojmë pa yt

21-06-2021

Hazir Mehmeti: BATAJNICË E ZEZË

Në fushën e zezë vrisnin qiellin Ra zi e tmerr, verboi dhe diellin Korbat e zi të shkau barbar Krrokatin mbi Batajnicë mbi një varr Gjiri në buzët e foshnjës ngrirë Nëna më tutje pa kokë e shtrirë Ku të kam Shqipja ime s’po mund të flas Gjiri më derdhët, ah, zemra më plasë Eh, pika gjaku porosi ju lë sot Agimin ta varrosni pa vaje e pa lot …