Memli Krasniqi

Memli Krasniqi: Raporti i Departamentit Amerikan të Shtetit lidhur me Kosovën, e pasqyron fytyrën e vërtetë të kësaj qeverie

Kryetari i PDK-së, Memli Krasniqi, pas publikimit të raportit të Departamentiti Amerikan të Shtetit lidhur me Kosovën, ka deklaruar se ky raport e shpërfaq fytyrën e vërtetë të kësaj qeverie, e cila, në dy vitet e fundit ka prodhuar vetëm skandale që kanë prekur të gjithë sektorët: qeverisjen, ekonominë, shëndetësinë, arsimin, diplomacinë e sigurinë. Raporti fakton korrupsionin serioz qeveritar dhe mosndëshkimin e rasteve të tilla, mungesën e hetimit dhe përgjegjësisë për dhunën me bazë gjinore, përfshirë dhunën në familje e dhunime të tjera dhe ngre shqetësimin se si zyrtarë të korruptuar vazhdojnë të mbajnë pozicione të larta në sektorin publik. Kjo është historia e vërtetë e kësaj Qeverie. Emërues i përbashkët, i cili vulosë të gjitha këto gjetje që karakterizojnë Qeverinë Kurti, mbetet ambasadori Martin Berishaj, i cili, përkundër raportimeve, fakteve dhe akuzave, vazhdon të mbetet në detyrë pa dhënë asnjëherë llogari për miliona euro të shpërdoruara e të dyshimta. Me Kurtin në qeverisje dhe Martinin si simbol të saj – raportet për Kosovën do të vazhdojnë të përkeqësohen vazhdimisht, ka shkruar Memli Krasniqi më një postim të tij.

Kontrolloni gjithashtu

Salla në Besianë ishte e vogël për t’i zënë anëtarë e simpatizantët e PDK-së, ku folën kryetari i degës, Isak Shabani e Ragip Xhaka

Kryetari i degës së PDK-së, në Besianë dhe deputet i Kuvendit të Kosovës, Isak Shabani, …