MINISTRI BYTYQI PRITI AMBASADOREN E IZRAELIT NË BEOGRAD

30/11/2018 Institucionet

Ministri i Arsimit, Shkencës dhe Teknologjisë, Shyqiri Bytyqi, ka pritur në takim ambasadoren e Izraelit në Beograd, Alona Fisher-Kamm, me të cilën ka biseduar për mundësitë e bashkëpunimit në fushën e arsimit dhe shkencës mes dy vendeve. Ministri Bytyqi ka falënderuar Ambasadoren për bashkëpunimin e deritanishëm të Izraelit me Kosovën, por ka theksuar nevojën e thellimit të këtij bashkëpunimi dhe në këtë drejtim ka përmendur historinë e mirë që ka populli ynë me popullin hebre gjatë holokaustit dhe në vazhdimësi. Ministri theksoi se në arsimin e Kosovës tashmë kanë filluar reforma dhe si fusha ku ka nevojë për bashkëpunim ndërkombëtarë përmendi zhvillimin në fëmijërinë e hershme, arsimimin e fëmijëve me nevoja të veçanta, mobilitetin e studentëve dhe mësimdhënësve, por edhe bashkëpunimin në shkencë, ku Izraeli ka shumë të arritura. Ministri Bytyqi tha se edhe bashkëpunimi i drejtpërdrejtë mes universiteteve izraelite dhe atyre në Kosovë do të ishte i një rëndësie të veçantë për arsimin e lartë, pasi që Izraeli është një prej vendeve që kanë praktika të mira në arsim të lartë dhe shkencë. Ndërsa, ambasadorja e Izraelit në Beograd, Alona Fisher-Kamm theksoi se është e rëndësishme që të identifikohen fushat e bashkëpunimit, ndërsa përmendi disa mundësi që ofron shteti i saj dhe që janë më të lehta për t’u realizuar. Ambasadorja Alona Fisher-Kamm theksoi se Izraeli është i hapur për bashkëpunim institucional, por edhe me OJQ-të dhe organizatat ndërkombëtare që veprojnë në Kosovë. Në fund të këtij takimi, ministri Bytyqi me Ambasadoren u dakorduan që të vendosen pikat kontaktuese në mënyrë që të fillohet sa më parë bashkëpunimi për projekte konkrete. Më pas, ministri Bytyqi dhe ambasadorja Alona Fisher-Kamm kanë bërë homazhe te varrezat e hebrejve në Prishtinë.

Kontrolloni gjithashtu

Kryetari Latifi mori pjesë në përurimin e parqeve në fshatrat Opterushë dhe Retijë e Poshtme

Sot, kryetari i komunës së Rahovecit z. Smajl Latifi i shoqëruar nga bashkëpunëtorët, zëvendësministrin e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara