Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Arsimit, Arbërie Nagavci, ka njoftuar se numri i stafit arsimor të vaksinuar përfshirë ata në arsimin parauniversitar, në arsimin e lartë si dhe studentët, është 55 mijë e 94. Përmes një postimi në rrjetin social, Nagavci tha se kjo shifër dy javë më parë ka qenë 29 mijë e 878. “Bazuar në këto të dhëna shihet se ditëve të fundit ka pasur një rritje të interesimit për t’u vaksinuar. Meqë jemi në prag të fillimit të vitit të ri shkollor dhe atij akademik, ftoj edhe njëherë të gjithë punëtorët e arsimit që të vaksinohen”, shkroi ndër të tjera Nagavci. Ministrja tha se Kosova është gati për një fillim të vitit të ri shkollor dhe atij akademik, por që po synohet që ky proces të nisë me prezencë fizike.
