Mogherini fton në takim kryetarin e Kosovës Hashim Thaçin dhe atë të Serbisë Aleksander Vuçiq

Mogherini fton në takim kryetarin e Kosovës Hashim Thaçi dhe atë të Serbisë Aleksander Vuçiq

Shefja e politikës së jashtme të Bashkimit Evropian, Federica Mogherini, do të takojë këtë javë kryetarët e Kosovës dhe të Serbisë, Hashim Thaçi dhe Aleksandar Vuçiq. “Këtë javë do të takoj sërish presidentin Vuçiq dhe presidentin Thaçi për të çuar përpara dialogun midis Beogradit dhe Prishtinës”, tha Mogherini duke iu adresuar ambasadorëve të BE-së në Bruksel. Takimi pritet të mbahet më 31 gusht. Mogherini po ashtu tha se në Ballkan, këtë vit, ka pasur rritje tensionesh “në momente të ndryshme dhe në vende të ndryshme”, porse, shtoi ajo, “në fund të ditës, partnerët tanë në Ballkan kanë arritur të rikonfirmojnë përkushtimin dhe kapacitetin e tyre për të avancuar në rrugën drejt BE-së”. “Ne i kemi ndihmuar, por ata e kanë bërë”, tha Mogherini. /REL/

Kontrolloni gjithashtu

Blerta Deliu-Kodra

Blerta Deliu, kritikon ministren e Drejtësisë, Albulena Haxhiu, për pjesëmarrje në fushatën zgjedhore në Maqedoninë e Veriut

Deputetja e PDK-së, Blerta Deliu, ka kritikuar ministren e  Drejtësisë, Albulena Haxhiu, për pjesëmarrjen e …