leoni

Ndryshimet e pakontrolluara të klimës do t’i kushtojnë Amerikës qindra miliardë dollarë, do ta dëmtojnë shëndetin e njerëzve

Ndryshimet e pakontrolluara të klimës do t’i kushtojnë Amerikës qindra miliardë dollarë, do ta dëmtojnë shëndetin e njerëzve

Ndryshimet e pakontrolluara të klimës do t’i kushtojnë Shteteve të Bashkuara qindra miliardë dollarë, do të dëmtojnë shëndetin e njerëzve dhe cilësinë e jetesës së amerikanëve. Alarmi vjen nga Agjencia Kombëtare për Klimën në SHBA, që shpreh shqetësimin se risqet e mëdha klimatike të së nesërmes, varen drejtpërdrejt nga vendimet që merren sot. Ndonëse nuk përmendet Donald Trump, raporti i agjencisë shtetërore amerikane në thelb është një kritikë e fortë për politikën e Presidentit lidhur me klimën. Në një postim të pak ditëve më parë gjatë ditëve të ngricës në SHBA, Trump ironizonte mbi ngrohjen globale. Por përgjigjia e shkencëtarëve ndaj shefit të tyre nuk vonoi. “Ngrohja globale është këtu në SHBA, është vdekjeprurëse dhe nëse nuk bëjmë ndryshime urgjente, do të jetë katastrofike”, shkruhet në raport. Donald Trump mbështet një tjetër linjë, atë të konsumit të industrisë, duke sfiduar shkencëtarët. Pak muaj më parë Presidenti akuzoi këta të fundit se kanë axhendë politike. Në vitin 2017, Trump u tërhoq nga marrëveshja botërore e Klimës, të cilën e konsideroi të padrejtë.

Kontrolloni gjithashtu

Kryetari i Partisë URA, Dritan Abazoviq ka shpallur fitoren e koalicionit “Për një fillim të ri” në zgjedhjet lokale për Ulqinin

Dritan Abazoviq: Nuk do të votoja kundër anëtarësimit të Kosovës në Këshillin e Evropës

Komiteti për Politikë dhe Demokraci i Këshillit të Evropës të mërkurën ka miratuar raportin e …