Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lidhjes Demokratike të Kosovës, Vjosa Osmani nuk ka përjashtuar mundësinë që pas konfirmimit të Kadri Veselit si kryetar i PDK-së, Kosova të shkojë në zgjedhje të parakohshme. Duke folur në një intervistë për gazetën ‘Zëri’, ajo ka vlerësuar se mbajtja e këtyre zgjedhjeve nuk do të jetë aspak e favorshme për LDK-në. Osmani ka shtuar se PDK edhe në të kaluarën ka dëshmuar se nuk i respekton marrëveshjet. Sipas saj, pas zgjedhjes së Thaçit president dhe pas konfirmimit të Kadri Veselit në krye të PDK-së, Kosova mund të shkojë drejt zgjedhjeve të parakohshme. Ajo ka folur edhe për zgjedhjen e Thaçit në krye të shtetit, duke nënvizuar se në seancë ka pasur presione ndaj deputetëve. “Vullneti i deputetëve të LDK-së u tregua në rundin e parë, kur Thaçi mori vetëm 50 vota. Por ndryshimi i votave në rundin e tretë, në 71, flet shumë se ka mundur të ketë presione”, është shprehur deputetja, Vjosa Osmani.
