Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një vrasje që ndodhi ditë më parë, në Prishtinë, ku gjatë një përleshjeje me armë zjarri mbetën dy të vrarë e dy të plagosur, po trajtohet si masakër, në Top Channel dhe në shumë “Copy past”, portale e medie. Por tërë kjo nuk është asgjë më shumë se një lajm për vrasjet e përditshme, që ndodhin shumë më tepër në Shqipëri sesa në Kosovë dhe me të cilat aq shumë jemi mësuar, sa po të kalojë një ditë pa një lajm të tillë, gazetarët e kronikës së zezë, shfletojnë shtypin e huaj dhe sjellin lajme për vrasje kudo të kenë ndodhur në botë. Trajtimi i kësaj vrasjeje, dhe i vrasjeve të tilla, (mjerisht të përditshme në botën e kapitalit), si masakër, tregon papërgjegjësi dhe mungesë profesionalizmi të shprehur të gazetarëve, të cilët madje edhe therjen me thikë e trajtojnë masakër. (Konflikti, solli edhe masakrën me dy të vdekur dhe dy të plagosur).
