Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas kërkesës së presidentes Vjosa Osmani që Kuvendi të mblidhet brenda 48 orëve, Partia Demokratike e Kosovës ka konfirmuar pjesëmarrjen në seancën e nesërme konstituive. Deputetja e PDK-së, Vlora Çitaku, tha se partia do të jetë e pranishme, duke theksuar se obligimi vjen nga rregullorja e Kuvendit. “Po na obligon rregullorja që ta takohemi çdo 48 orë dhe ne do të jemi aty,” tha ajo. Seanca e djeshme u ndërpre pas mosmiratimit të raportit të Komisionit për verifikimin e mandateve. Kryesuesi Avni Dehari i ishte drejtuar presidentes për “sugjerime” lidhur me vazhdimin. Presidentja Osmani theksoi se Kushtetuta dhe rregullorja janë të qarta për këtë çështje. Pritet që në seancën e nesërme të synohet zhbllokimi i procesit. Edhe LDK-ja dhe AAK-ja kanë konfirmuar pjesëmarrjen. Kuvendi pritet të mblidhet sot në orën 12:00.
