Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përparim Gruda, Koordinator i Departamentit për Drejtësi në Kabinetin për Qeverisje të Mirë të Partisë Demokratike të Kosovës, ka kërkuar dorëheqjen e ministres, Albulena Haxhiu, pas humbjes së mostrave të rastit Dehari në Institutin e Mjekësisë Ligjore. Ai ka thënë se kjo dorëheqje do t’i hapte rrugë një hetimi të pavarur në këtë rast. PDK-ja ka ndjekur me shqetësim raportimet në media dhe deklaratën e ministres së Drejtësisë Albulena Haxhiu mbi zhdukjen e mostrave për rastin Dehari, në Institutin e Mjekësisë Ligjore, pranë Ministrisë së Drejtësisë. Zhdukja e mostrave është përgjegjësi direkte e ministres Albulena Haxhiu, e cila e drejton Ministrinë e Drejtësisë, ku ndodhet edhe Instituti”. Kur zhduken mostrat, dëmtohen provat, dëmtohet drejtësia dhe pamundësohet zbardhja e rastit. PDK-ja kërkon dorëheqjen e menjëhershme të ministres së Drejtësisë, Albulena Haxhiu, si përgjegjësja kryesore dhe drejtuese e Ministrisë së Drejtësisë, pranë të cilës funksionon edhe Instituti i Mjekësisë Ligjore”, është shprehur Gruda. Lëvizja Vetëvendosje nuk ka pasur asnjëherë qëllim që ta zbardhë të vërtetën e rastit “Dehari”, por ta përdorë atë për beteja politike. “Fatkeqësisht, përdorimi politik i këtij rasti po vazhdon edhe tani kur ata janë në pushtet dhe kanë të gjithë mekanizmat shtetëror në duart e tyre për ta zbardhur të vërtetën e këtij rasti. Pas më shumë se dy viteve qeverisje dhe zero avancimi në rastin Dehari, ne dyshojmë që ministrja Haxhiu duke dashur të mbulojë paaftësinë e saj, por edhe në pamundësi të sigurimit të fakteve të pamohueshme për të dëshmuar një të vërtetë tjetër në lidhje me këtë rast, po manipulon me prova dhe me situatën”, ka thënë Gruda.
