Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njohësi i çështjeve juridike, Përparim Gruda, thotë se Gjykata Speciale ndër vite ka shënuar mungesë qartësie të proceseve gjyqësore dhe të tërësisë së punës e saj. “Vizita e kryetares së Gjykatës Supreme, siç i themi ne në zhargonin e përditshëm, pa dyshim që është e lidhur me mungesën e efikasitetit të punës së Gjykatës për këto vit dhe po ashtu mungesën e një qartësie të proceseve gjyqësore dhe të tërësisë së gjykatës në punën e saj. Sepse e vërteta është se Gjykata Speciale tashmë i ka kaluar 5 vjet prejse është formuar dhe nuk ka arritur ende me filluar gjykim në shkallë të parë për asnjë aktakuzë, janë dashtë 5 vjet për të filluar gjykimi në shkallë të parë”.
“Diçka është jashtë çdo standardi normal të gjykimit në kohë të arsyeshme. Po marrim shembull Gjykatën e Hagës për ish-Jugosllavi si pikë referimi atje mesatarisht për katër vite procesi të paktën në shkallë të parë është kryer procesi i gjykimit, por për shembull për disa raste është kryer për 5 vjet në të gjitha shkallët e gjykatës, duke përfshirë edhe personat e akuzuar prej Kosovës, ish-kryeministrin dhe të tjerët. Në këto kushte është absurde që Gjykata Speciale të vonojë kaq shumë procesin, pra me ju dashtë 5 vjet vetëm për konfirmim të një aktakuze, por as për fillim gjykimi në shkallë të parë”. Ai ka nënvizuar se Kosovës po u bëhet dëm i jashtëzakonshëm me zvarritjen e hetimeve për krime lufte liderëve politikë të saj.
