Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I dërguari i Bashkimit Evropian për dialogun Kosovë-Serbi, Peter Sorensen, ka theksuar nevojën urgjente për zbardhjen e fatit të personave të zhdukur gjatë Luftës së Kosovës 1998-1999, duke e cilësuar këtë si një çështje humanitare të domosdoshme. Në një postim në “X”, pas një vizite në Institutin e Mjekësisë Ligjore, Sorensen ka deklaruar se familjet që ende nuk kanë informacion për të dashurit e tyre meritojnë qartësi dhe drejtësi. Kosova dhe Serbia kanë bërë përgjegjëse njëra-tjetrën për mungesën e përparimit, ndërkohë që Deklarata e përbashkët e vitit 2023 për personat e zhdukur mbetet pa u zbatuar nga Serbia, duke përfshirë angazhimet për ofrimin e informacionit dhe dokumenteve të nevojshme.
