Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me gjithë premtimet e shumta dhe të përditshme të zyrtarëve të institucioneve të Kosovës për liberalizim të vizave, edhe ky vit u përmbyll pa realizimin e këtij premtimi, me që cilin qeveritarët tanë të pas luftës, në vazhdimësi i kanë joshur qytetarët. Të gjithë liderët e përfaqësuesit e institucioneve, pa dallim, janë mbajtur në pushtet duke bërë premtimin numër një, tash për tash apoteozën imagjinare fiktive, që quhet liberalizim. Por kanë kaluar 17 vjet e më shumë nga lufta dhe ky premtim ka devalvuar deri në atë masë që tanimë edhe fjalët e kanë humbur vlerën. Jo vetëm kryetari, Hashim Thaçi, për të cilin sondazhet thonë se kanë qenë premtuesi numër një, por të gjithë të tjerët fjalën liberalizim e kanë pasur dhe e kanë alfë të perceptimit dhe deklamimit të tyre politik. Fajin për vonesën ata ia lënë njëri-tjetrit dhe jo Bashkimit Evropian i cili ende nuk e ka pranuar pavarësinë e Kosovës, andaj edhe nuk interesohet për të zgjidhur problemet e qytetarëve të një vendi të papranuar zyrtarisht.
