Kriminelët serb

Prof. dr. Agim R. ZOGAJ: Rizgjimi i fashizmit serb

Lajthitjet e diplomacisë evro-perëndimore

Mendimi politik shqiptar, veçmas në Kosovë, vazhdimisht e mbron pikëpamjen se, Serbia edhe 25 vjet pas luftërave në ish Jugosllavi, vazhdon ta kultivojë të njëjtën politikë  shtetërrore, kombëtare, mbarëserbe, të kërcënimit të hapur të paqes në rajon. Serbia, udhëheqja e saj shtetërore, Kisha Ortodokse Serbe në bashkëpunim dhe me bekimin e Rusisë, hapur, pa asnjë shqetësim, po e rishfaqin politikën ekspansioniste ndaj popujve të Ballkanit Perëndimor, në radhë të parë ndaj Republikës së Kosovës. Nuk na habit, madje aspak, një platformë e tillë e ideologjisë çentike, pra, e kultivuar në Beogradin zyrtar, jo vetëm për arsye të pretendimeve territoriale të Serbisë ndaj tokave shqiptare. Vërtet asgjë e re, as nga porositë shoviniste që dolën nga Deklarata e Kuvendit mbarëserb mbajtur më  qershor 2024 në Beograd. Nuk janë, për befasi, por as për tu nënçmuar ato vendime të Kuvendit mbarëserb, por as lidhja e pushtetarëve serbë me Putinin me Kinën, me Iranin, me Korenë e Veriut etj. Është për keqardhje, që, BE-ja vazhdon të hesht ndaj pretendimeve të politikave ekspansioniste, të Serbisë, të krerëve të Republikës serbe në Bosnje, është për habi, përse BE-ja nuk reagon ndaj aleancave anti evropiane dhe madje edhe antiamerikane të Serbisë me Rusinë me Kinën, me Iranin, me Korenë e Veriut.

BE-ja, sikur me prioritet e ka presionin diplomatik ndaj Republikës së Kosovës, ndaj popullit të saj, prandaj, duke heshtur para kërcënimeve serbe, Brukselit zyrtar më lehtë dhe më e arsyeshme i duket që t’i vendos , gati që një vit sanksione Republikës sonë. Dhe, për çarsye qesharake, spekulative, gjoja pse, Republika e Kosovës nuk e zbaton asociacinin serb?! Ne dijmë se, fjala është për Asociacionin serb, të cilin me ultimatume me shantazhe, Kosovës  iu imponua më 2013 dhe më 2015. Dhe, tani, e mbarë diplomacia evro-perëndimore, edhe ajo e aleatve të Kosovës, kërkon, kërcënon se Asociacioni  duhet zbatuar! Edhe pse, edhe vetë qendrat e vendosjes së diplomacisë evroperëndimore e dinë se, Asociacioni serb është fillimi i rrugës drejt federalizimit të Republikës së Kosovës, në mos, shkëputjes së Veriut dhe bashkëngjtja Serbisë!

Gjithsesi, t’u kthehemi disa referencave të politikës së Serbisë, konkretisht të presidentit Vuçiç, i cili, edhe me përkrahjen e diplomacisë evro-perëndimore po ekspozohet, po imponohet si lider politik i rajonit! Të shtojmë se, vetë diplimacia evroperëndimore, po ia krijon kushtet, rethanat diplomatike Vuçiçit që, Serbinë ta kuptojë si, shteti më i fuqishëm në në rjon, nga e cila, mjerisht, edhe sipas perceptimit të Bruxelit zyrtar dhe të Washingtonit zyrtar, Serbia duhet të jetë faktori, shteti kryesor i cili garanton siguri dhe paqe në rajon, jo vetëm në Ballkanin Perëndimor.

 

Kërcënimet hitleriane  të Vuçiçit

Në intervistën e gjatë, dhënë radios prestigjioze zvicerrane, “ Die Weltwoche” , në të cilën Vuçiçi shovinist sërish u imponua si lider i rajonit, deklaron se :” …i mirëkupon nga shumë njerëz brenda Serbisë për të ndërhyrë dhe për t’u përplasur ushtarakisht me shqiptarët dhe NATO-në për t’i mbrojtur serbët në Kosovë”! Pra,  Vuçiçi, sikur dikur mentori dhe prijësi, frymëzuesi i tij, Slobodan Millosheviçi, hapur e thotë se, shteti i Serbisë, edhe pas 25 vjet përfundimit të luftës në Kosovë, është i gatshëm, qoftë edhe me  me luftë të futet në luftë me shqiptarë e Kosovë dhe me NATO-në për t’i “ mbrojtur “ serbët. Vallë, prej kujt, t’i mbrojë, gjithnjë sipas logjikës shoviniste te Vuçiçit? Kjo, po nënkuptohet?! A nuk është ky kërcënim me luftë ndaj  Republikës së Kosovës, madje edhe ndaj NATO-së? Millosheviçi, në fjalimin e tij mbajtur më 28 qershor 1989 në Gazimestan, ndër të tjera kërcënonte:”… në rast se ka nevojë, për realizimin e këtyre qëllimeve të Serbisë, do të ketë edhe luftë…”!?! Vuçiçi, që për nga retorika, tani më i trimëuar, ngjan në Millosheviçin dhe në Hitlerin, e përmend kërcënimin me ushtri, pra me luftë! Asnje reagim i BE-së, përpos i Stejt Departamentit. Media e Kosovës, heshti krejtësisht!

Më tej, çetniku serb, Vuçiç, në intervistën për radio, “Die Weltwoche” konstaton se: “… Serbisë i janë rrëmbyer padrejtësisht 13.5% të territorit”! Për cilin territor është fjala, sipas tij? Kuptohet, logjika e trillimeve, gënjeshtrave serbe, e nënkupton territorin ne Republikës së Kosovës, të pushtuar nga viti 1912 e deri më 12 qershor të vitit 1999. Sërish, e njëjta logjikë serbe, sipas të cilës, “… aty ku ka një varr serb, aty është shteti serb”! Çfarë idiologji e mitit serb, mbi të cilën ideologjki, shteti serb hartoi projektet për gjenocid ndaj popullit guximtar shqiptar! Prandaj, sërish, në të njëjtn intervistë, presidenti i trimëruar serb, kërcënon se :”… bota duhet ta kuptojë se nuk mund të ketë zgjidhje të njëanshme që shqiptarët të marrin gjithçka, ndërsa serbët të humbin gjithçka”! Çfarë e konsideron, Vuçiçi humbje për serbët?  Pse, gati pas një shekulli, shqiptarët e Kosovës me luftën heroike të UÇK-së e fituan lirinë e tyre? Liria e popullit të Kosovës, nuk është robëri për serbët, aq më pak është liri e “grabitur” nga liria  e serbëve, qoftë në Serbi apo e serbëve kosovar! Dhe, pastaj ai vazhdon duke rikonstatuar, para publikut zvicerran dhe mbarëevropian se:” …Ne kemi rrënjë shumë të thella në Kosovë…”! Pushtetarët serbë, sikur edhe vetë Vuçiçi, gjithnjë e më agresiv, më opsesiv, prore flasin për rrënjët e pushtimit serb në Kosovë.  Diplomati i njohur amerikan, arkitekti i Konferencës dhe i paqës së Dejtonit (SHBA) Richard Hollbruk u kishte thënë midis Beogradit se, “ Kosova ishte e pushtuar nga serblët”! Me një fanatizëm kryeneç dhe shumë të rrezikshëm për paqën në rajon, Serbia vazhdon ta indoktrinojë pupullin, rininë e saj. A ka më çmenduri politike, më mjerim i mendjes normale të njeriut se, të përkulesh dhe të vesh lule, para varrit të Stalinit, ashtu siç bëri, ditë më parë, politikani shovinist Vulin, i gjetur në listën e zezë të SHBA-së.

Agresion ndaj vlerave të qytetërimit evro-perëndimor

Çetniku, Vuçiç, pasi i rikujton publikut evropian se, “…Perëndimi po e mbivlerëson veten dhe nënvlerëson Rusinë dhe Putinin”, më tej, hapur del me konstatimin se: ” Nuk mund të themi sesa larg jemi një lufte të tretë botërore, por mund të themi se jemi afër një përplasjeje të madhe. Dhe kjo do të ndodhë, jo më larg sesa 3-4 muaj më pas. Madje, ekziston rreziku që kjo të ndodhë edhe më parë.”! A nuk ësht ky kërcënim i hapur ndaj vlerave të Perëndimit dhe sigurisë në rajon, ngjashëm sikur kërcënon, aleati i tij Putini rus? Është e qartë adresa, se kujt i drejtohet, Vuçiçi me këto tone kërcënuese. Perëndimit, BE-së, të cilët, që nga përfundimi i luftërave në ish Jugosllavi, që nga çlirimi i Kosovës dhe shpallja e Pavarësisë sonë, asnjëherë nuk u morën me vendosmëri me Serbinë. Përkundrazi, nuk e ndëshkuan me asnjë masë diplomatike, ia dhanë mundësinë të ringritet ideologjia ekspansioniste e shtetit serb dhe tani, siç delë, të mos i kërcnojë vetëm shqiptarët e Kosovës, por edhe vetë shtete e rajonit dhe Evropën, diplomatikisht të përhumbur e të trazuar. Sa më tepër që, diplomacia evroperëndimore, frikësohet që, ta ndëshkojë, diciplinoj politikisht Serbinë, aq më i rezikshëm është rizgjimi i fashizmit serb. Të pretendosh se, Serbinë nuk duhet ndëshkuar sepse, ashtu e bëjmë për vete, dhe e largojmë nga Rusia dhe putinizmi, në fakt do të thotë, Serbinë ta ndihmosh të bëhet një Rusi e vogël në rajon!

Kontrolloni gjithashtu

Fjala e Elez Durmishit, në 25-vjetorin e kryerjes së misionit informativ, historik, të Radios-Kosova e Lirë, gjatë luftës së UÇK-së

Mirë se keni ardhur, këtu në Shtëpinë-Muze, në 25-vjetorin e kryerjes së misionit informativ,  historik,  …