Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës së Ardhmërisë së Kosovës, Ramush Haradinaj, njëherit edhe kryesues i listës së kandidatëve të deputet të këtij subjekti politik, ka thënë se kërkesa e referendumit për bashkimin e Kosovës me Shqipërinë nuk është kalkulim politik. Haradinaj, i pyetur nëse do të bashkëpunojë me Vetëvendosjen lidhur me këtë çështje, ai ka thënë se nuk e di nëse subjekti opozitar ka hequr dorë nga një ide e këtillë. Përveç tjerash, ish-kryeministri i Kosovës ka thënë se është i hapur të bashkëpunojë me këdo që të zgjidhë çështjen e presidentit. Ai e ka sqaruar edhe më shumë çështjen e referendumit të bashkimit kombëtar me Shqipërinë, teksa ka thënë se kjo ide aktivizohet vetëm në rast se nuk do i ofrohet mbështetja e duhur Kosovës në rrafshin ndërkombëtar.
